السلام عليكم
حلمت اني بشقة ومعاي زوجي وابوه واخوان زوجي اثنين بس وجو اهلي امي وبنت خالي يزوروني قعدوني من النوم وعمي ابو زوجي كان يوصي فيني اذا بطلع اخذ اكشخ سيارة وحط لي فلوس واذا محتاجه زود واحنا مستانسين
وطلعنا مع سايق مع انه ما عندنا سايق عندنا خادم ولما خلصت مشواري كنت عند فريج بيتنا وطلع من بيت جيرانا واحد يعرج كانه مصاب برجليه او معاق فطلبت من السايق تبعنا في الحلم ان ياخذه يوصله بالسيارة الفاخرة اذا ابو زوجي راضي وفعلا اخذه
اخر الحلم وهو اللي مخوفني اني وانا بشقة ومع زوجي وواخوانه اثنين ومعانا رجال اربعيني شعره فضي مااعرفه بس بالحلم ناديته عمي المهم قامت اسناني اللي تحت تطيح الوسط واليسار كانه اللثة مثل البيت الهزاز تطرد الاسنان واحملهم في ايدي واروح المنظرة وارجع ارززهم في اللثة ويثبتون شوي وارجع لزوجي واخوانه ويردون الاسنان يطلعون وارجع للمنظرة واحملهم بايدي كلهم والفك السفلي او العلوي مااذكر انشال وكل اسناني بيضا وناصعه وكبيرة والرجال يقول لي وهو يضحك روحي جنيف عدلي الاسنان وضحكت وقلت شوديني جنيف يا عمي والاسنان تتدرحج في فمي
اللي فقط ما تحركوا السنين اللي بعد الانياب السفلي اليمين
واخو زرجي تم يتكلم بالتلفون عبالي بيشوف لي حل او طوارئ وعقب ركض للباب يستلم شاي وانا مو حاسه بالم من حركة لثتي واسناني ولا شي وزوجي واخوانه مفرفشين ويبتسمون وانا ابتسم معاهم بس قمت من النوم مزعوجة
للعلم في الحلم انا مو حامل بس في الحقيقة انا حامل بالشهر السابع
وشكرا لكم
موضوع: سقوط اسناني كلها وانا ابتسم بدون الم للعلم انا حامل 
الأحد يناير 12, 2014 5:42 pm
