حلم بسكوت مالح

انا رأيت فى المنام انى باكل مع اهل خطيبى السابق وهما كانوا عاملين اكل وكانوا
حاطين بسكويت مالح

وانا كنت اكلت قبل كده من بسكويت مالح احمد كان ادهولى
وكان طعمه حلو اووووى وكنت شبعت

ولكن قلت لازم اقعد معاهم علشان مش يزعلو
واخدت بسكويت من الى كان على الطبليه

وانا اكلت منه لقيت طعمه وحش جدا وانا
قمت وقلتلهم انا شبعت مش عاوزة اكل

فاحمد اللى كان خطيبى هو وامه مكانوش
عاوزنى اكل معاهم لكن ابوه

هو اللى كان عاوزنى افضل قاعدة وبعدين ابوه قام
اخدنى وقالى تعالى انا هجيبلك بسكويت احلى

فانا قمت معاه ودخلنا البلكونه
وبعدين لقيت البسكويت مزروع فى البلكونه والجو بيمطر

فهو قطف لى بسكويت كان
مزروع من وسط الزرع وكان عليه مياه من المطر وقالى البسكويت ده حلو خديه

واخدته وبعدين رجعنا علشان نقعد على الاكل تانى فلقيت امى بتقول لمامه احمد
البسكويت اللى انتى بتاكلى منه مش حلو

البسكويت اللى انت اعطتيه لابنتى
الاول كان احلى وامى اعطيتهم البسكوت اللى هى كانت اعطتهولى فى الاول

وكان
طعمه حلو اوووى وهى اخدته من امى وانا صحيت من النوم
اتمنى من ربنا يكون تفسيره
خير

السلام عليكم ورحمه الله

اولا ابدئي بالسلام وسمي الله قبل كتابه الرؤيا

الرؤيا تدل علي كلام حدث غير لائق بكم ودافع عنكي ابو احمد

جزاه الله خيرا

والنصيب بيد الله سبحانه