حلم مع الرقية

أثناء استمراري المحافظه عالرقية حلمت بهذا الحلم قبل شهرين تقريبا ً
وأتمنى تفسيرهـ


حلمت إني في غرفة طين لها بابين واحد بالوجه والثاني على اليسار وكان فيه خالي ابو زجي واخوات زوجي وزوجة أخ زوجي وكنت جالسه على المركا وكنت تعبانه وعلي عبايتي وكلهم جالسين على الارض ،،والغرفة اللي انا جالسين فيها بعيد عنها شوي نخل ، طلعت من الغرفة وكان فيه رمل وكأنها جَمعة والرجال باسطين على الرمل وجالسين وكان فيه زوج أخت زوجي الكبيرة فهد وكأنه يصلح العشاء وأشوف دابين كوبرا نحاسيه زي النحاس وكنت أقول لـ الدابـييـن وأأشر عليهم وأقول حسبي الله عليكم وكنت أرددها ، جو ثنتين أخوات زوجي وكانو يطالعوني وخفت أنهم يقولون هذي ماهي صاحيه تكلم نفسها وقلت لهم داب شوفوها هناك ، وحدة راحت ومالقت لكلامي بال والثانية تسوي نفسها أنها مهتمة وكلمت زوجها وقالت له فيه ثعبان وراحت ، شفتهم راحو قلت أهم شي نفسي ، نبهتهم وماأهتمو ورحت وخليتهم وانا امشي بسرعه خايفة من الثعبانين ،، ورجعت إلى الغرفة وشفت اخوات زوجي وعمتهم معهم يمشون برا ، فدخلت الغرفة ولقيت أخواته جوا وسلفتي وخالي ابو زوجي
، وطلع خالي ومشينا وراهـ وراح لم غرفه كأنها دكان قديم صغيره مره وكان بابها أربع درف دخل جوا وقام يوزع لحم في أكياس شفافه وكل كيس مكتوب عليه أسم وحدة من اخوات زوجي بالقلم العريض لون القلم احمر لما وصل عند الإخت الأصغر عطاها الكيس وكان معه فلوس في يدهـ مئات ،وقال لها بجيكم في البيت وعطا سلفتي قطعه لحم وكانت أصغر من قطع اخوات زوجي وأنا أعطاني أصغر من سلفتي ،،
وبعدين رجعنا للغرفة بس أنا وسلفتي وكنت جالسه على المركى وتعبانه مرررة وكانت تقول لخالي بنمشي ماراح نجلس وقالها وراكم قالت عشان السيارة وريحة غنم وع ،،بنتعشى ونمشي ، فكان خالي عادي عنده انهم يروحو ما اهتم بجلوسهم ،،بعدين جاء خالي ووقف قدامي وكنت جالسه على المركى وتعبانه مررة ،،وبعدين جلس أمامي وكانت يدهـ فيها دسم قام ولمس خشمي وصرخت عليه وقلت له أبعد يدك وكان اللي فيني يتكلم(شيطان )قاله خالي واصل ياتعبان(يعني انك منتهي وتعبان ) وقال بتوضا وأجي ،عشان يقرأ علي
يوم طلع على طول طلعت عشان مايقرأ علي ..
وخلص الحلم..