بترجاكى تفسريلى حلمى حتى لو ملوش معنى وهبقى شاكره ليكى جدا الله يخليكى

السلام عليكم ورحمه الله وبركاته
انا حلمت انى كنت ماشيه فى الشارع مع صديقه ليا وكان عندنا معاد كانى رايحه درس بس البلد ال كنا رايحين فيها الدرس اسمها بيبان وكنا طالعين سلم محطه القطار فى بلدى بس مش علشان نركب القطار احنا بنطلع علشان نعدى الطريق وفجاه صديقتى شافت ولد كان متقدملى من 3سنين وبتقولى ده مصطفى قولتلها ايوه فعلا ايه جابه بلدنا وجريت عليه علشان اسلم عليه بس كان معاه ولد كمان بس ولا كلمت الولد ولا كلمنى بس مشيت مع مصطفى حاطه ايدى فى ايده لغايه ما وصلت البيت وانا ماشيه معاه بساله انت جاى بلدنا ليه قال شويه شغل والله قولتله طيب صحيح اومال مين الولد ال معاك ده قالى ده اخو خطيبتى وبعدها ركب وراح مشواره وصحبتى بتقولى مش هنروح الدرس قولتلها لا خلاص اتاخرنا وعلى الساعه 12.5 جالى مسيج من صديقتى بتقولى معاد الدرس بقى 12.5
مع العلم انا 27سنه ومش بدرس
ومش مرتبطه
وهبقى متشكره جدا ليكى الله يخليكى لو فسرتيلى حلمى

عليكم السلام ورحمه الله
احيانا في الرؤيا الارواح تتذكر وتتزاور

هذه رؤيا عاديه تدل علي ان ليس لكي نصيب معه حتي لو تذكرتيه
الرؤيا حقيقه والدرس الي اخذتيه من الرؤيا حقيقي
النصيب بيد الله يا ابنتي
امشي في طريقك انتي بدون ذكريات
وفقكي الله قولي امين
دعواتك

الله يخليكى يارب ولا يحرمنى منك
ويريح بالك زى ما ريحتينى يارب يارب يارب 🙏🏻🙏🏻

معلش عارفه انى بتعبك معايا انا اسفه بس للاهميه اعرف والله تفسير احلامى🙏
انا ديما كنت بحلم انى رايحه بلد اسمها كفر بولين لواحده صحبتى من ايام ثانوى وكنت ديما اسال ع شارع بيتها بوصلها بس المره دى حلمت نفس الحلم بس لما وصلت البلد زى كل مره نزلت وانا عارفه شكل الشارع ال هدخل منه بس للاسف توهت ودخلت شارع غلط وبقيت مش عارفه اعمل ايه ولا عرفت اوصل قابلتنى ست كبيره دخلتنى عندها وسالتنى انا رايحه لمين قاعده هى ومرات ابنها فانا خوفت وقولتلها انا لازم امشى علشان متاخرش ومشيت لحد ما وصلت لسوبر ماركت بسيط سالته قالى مش عارف فجاه لقيت مرات ابن الست الكبيره جايه ورايا بتقولى انا هدور معاكى لحد ما توصلى ببص انا وهى لقينا بنت كبيره جايبه برطمان مليان ورق صغير وبتدينى اطلع ورقه ورقه كل ما بمسك ورقه الاقى مكتوب فيها ظابط شرطه27سنه امسك غيرها الاقى مدرس كده كانها عرسان ف الورقه وانا بختارهم قومت سايباهم وماشيه ورجعت تانى بلدى ☹
مع العلم انا متقدملى عريس من نفس البلد ومردناش عليه لسه ارجوكى تفيدينى 🙏🙏

الرؤيه تدل علي الحيره. التي عندك من موضوع الزواج
اتركي الامور لله سبحانه.  وصلي صلاه الاستخاره واطلبي من امك او والدك يصليها لكي
وان شاء الله خير

السلام عليكم

ربنا يخليكى متحرمش منك يارب 🌸